هل يكلف الموظف بغير مسماه الوظيفي

[مخفي]

السلام عليكم ورحمة الله وبركاته
كثيرا ما يكلف زملائنا في العمل بأعمال لا تتوافق مع مسمياتهم الوظيفيه وخاصه اننا في المحاكم كل قاضي يجيب لك اختراع جديد ... وسألني زميل بالامس .. قائلا : بعض الاحيان يكلفني القاضي بأعمال غير مسماي الوظيفي وارفض في بعض الاحيان ويرد عليه ويقول اذا وجه لك المسؤول اي امر عليك التنفيذ حتى لو لم يكن من مهام عملك ... قلت ما بجاوبه حتى اشوف الرد من الاخوان هنا .. بالنظام طبعا

تحياتي

 

[مخفي]

اكيد لازم يطيع مديره

بغض النظر عن مسمي الوظيفه


لانه ماراح يطلب الا شئ يخص العمل

 

[مخفي]

يعني لو كان على وظيفة محضر خصوم في المحكمه ويقول له اكتب مثلا صك يكتب ::: على كذا وش فائدة المسمى الوظيفي // وثانيا اتمنى يكون الرد بالنظام وشكرا

 

[مخفي]

في النظام وان يسلك مسلكا يتفق والوظيفه التي يؤديها ,, ماقال انه يؤدي كل الوظائف يعني مو واضح هنا
والطاعه تكون في الوظيفه التي مؤظف عليها مو اي كلام يقوله المدير يعني مو رد وافي على ما ذكرت سابقا

 

[مخفي]

هم مسميه امر....... والامر كلمه شامله لاي شئ يريده المدير.......

لو يقول اطبع خطاب لازم تطيع الامر

 

[مخفي]

على كلامك اخوي الكريم ,, ان المدير يمشيك على كيفه يوم سواق ويوم كاتب ويوم تنظف له مكتبه هل يعقل هذا
وايضا ما فائدة المسميات الوظيفيه .. على كذا يعينون الموظفين كلهم على مسمى واحد موظف فقط والمدير هو الي يسوي معه زي ما يبي ,, ودكتور الاسنان اذا قاله مديره في المستشفى سوي عملية زائده يسوي هذا امر المدير ...

 

[مخفي]

ومن قال ان الاوامر بتكون في شئ خارج عن العمل ؟؟؟

الاوامر اللي بحدود العمل اكيد ماعندي مانع اعملها

....

اما مثل الطبيب لا ينطبق ع نظام الخدمه المدنيه(الموظف العام) الاطباء لهم ميثاق مهنه وفيه صلاحياتهم

 

[مخفي]

فسر لي كيف ((من قال ان الاوامر بتكون في شي خارج عن العمل )) وش مفهوم خارج العمل وداخله عندك ...
يعني الموظف يشتغل اي شي .. دامه داخل الدائره الحكوميه مهما كان توجيه المدير مثلا لو قال لك خلك سواق عندنا وانت على المرتبه السادسه ولا السابعه تنفذ .. دام ان العمل بيكون داخل نطاق الدائره ؟؟

 

[مخفي]

بشكل شامل

اي شئ يريده المدير لازم نطيعه ........من بداء الدوام الي اخر الدوام

حتي لو قال سواق....وانا بالمرتبه السابعه المفروض اطيعه....

 

[مخفي]

اجل ننتظر احد يجيب لنا رأي النظام تعبنا من السوالف يمين يسار
على فكره اعطيك معلومه عن نفسي انا لحد الان ملتزم بعمل محدد وارفض اي عمل مهما كان
وعلى فكره في تعميم قال لي عنه واحد من الشباب اتصلت عليه قبل شوي قال ان على كل مدير بان لا يكلف اي موظف باي عمل لا يتفق مع مسماه الوظيفي ,, وتعميم اخر لا يكلف باكثر من عمل
ولكن تمنيت رؤيه نظاميه اكثر
وملاحظه :: كثيرا ما يشتكي بعض الموظفين من جور المدير والجواب على الشكوى ان بعض الموظفين هم السبب لانهم يعملون اي شيء ,, وامر اخر قبل ما اذهب للنوم زمن العبوديه قد ولى فمن اراد ان يعيد نفسه لزمن المماليك فاليعد وشكرا
تحياتي لكم جميعا