من المتعاقدات بالاحوال المدنيه ..هل ممكن يشملنا الترسيم ام لا

[مخفي]

السلام عليكم ورحمه الله
انا من المتعاقدات بالاحوال المدنيه هذا العام قدمت ع الوظيفه بشهر سبعه وترشحنا بشهر11
وباشرنا بشهر خمسه
مافي احد عاطي موضوعنا اي اهميه تكفون ردوا علينا اي احد بالوكاله يعطينيا اي معلومات
الكل جامعي والمراتب مختلفه انا المرتبه الثانيه
هل ممكن يشملنا الترسيم ام لا ولو شملنا اي المراتب نستحق
ومنزلين بجريدة سبق امس الفدا يمدد الدوام بمكاتب الاحوال المدنيه لين خمسه العصر يرحم والديكم وش هالخبر
الراتب مايجي فطور وغدا ومشوار السياره
واحنا المتعاقدات لم يوجد لدينا خارج دوام كيف نجلس لين خمسه العصر
اعطوني اي خبر وكيف نتاكد اننا ممكن نترسم او لاعلما ان مديرتنا رفعت اوراقنا
اللي بيرد علي الله يجيره من النار بااذن الحي القيوم
سلام

 

[مخفي]

انتي اصلا من سلم الموظفين كيف تترسمين على مرتبة هذا اول شي

ثاني شي اخس قطاع مدني اهو الاحوال المدنية الله يصبرك عليه

وعلى ماسمعت ان الخبر صحيح الدوام الى الساعه 5 العصر يشمل الدوام ايضا يوم الخميس

الله يعيينكم

 

[مخفي]

اختي

انتي متعاقدة عقد على ميزانية الاحوال ؟

ولا على المرتبة الثانية سلم الوظائف العام ؟

 

[مخفي]

ماا اعتقد انك موظفة رسمية يمكن في نظام التعاقد في الاحوال نظام مراتب لكن ليست رسمية لانه لو رسمية كان حطوكي عل المرتبة السادسة وللعلم ماأعتقد عندنا في المنتدى موظفين في الاحوال كلهم في قطاع التعليم والصحة

 

[مخفي]

انا جامعيه ع المرتبه الثانيه ع السلم العام
والعقد يتجدد تلقائي كل سنه قالوا لنا احتمال مع الترسيم يتم اعطائكم المرتبه المستحقه نفس اللي قبلنا كانت مراتبهم مختلفه وهم جامعيات ويوم جاهم الترسيم ع السادسه
والمقابله عملتها بالرياض بالقسم النسوي
اعلان الوظائف والتعيين كان بموقع وزارة الداخليه
وجا بالجرايد
الله يسعدكم اللي عنده احد بالوكاله يستفسر عن موضوعنا
واللي بيرد علي الله يفرج همه دنيا واخره

 

[مخفي]

اختي فيه لبس
كيف تكونين على المرتبه الثانيه سلم عام
ولك عقد يتجدد سنوياً

انت ترشيحك للوظيف كان عن طريق ديوان الخدمه المدنيه
لك زياده سنويه

هل طلبوا منك التوقيع على التنازل عن المرتبه المستحق قبل الترشيح

هل لديك رقم وظيفي

 

[مخفي]

ختي الكريمه الكل يبي يساعدك لكن وضحي الاتي:
1-انتي على مرتبه وتم تعيينك من الديوان على الوظيفه
2-انتي على عقد او على بند يتم تجديده سنويا
3-هل طلبو منكم رفع اوراقكم للترسيم
4-هل انتي على المرتبه الثانيه وتطالبين مثلابالمرتبه المستحقه
نرجو التوضيح حتى يردون عليك الاخوان المختصين بالقسم

 

[مخفي]

انا عقد من وزارة الداخيه يتجدد تلقائي كل سنه
وليس من الديوان
ع المرتبه الثانيه ورفعت الاداره اوراق الترسيم
والمعذره انا فهمت السلم العام غلط ليس عليه
ابي افهم وش وضعنا
التقديم ع الوظيفه كان بشهر سبعه الترشيح بشهر 11 المقابله كانت بالرياض ووارق الكشف الطبي حررت بتاريخ
20\3
وتمت المباشره والتوقيع على العقد بتاريخ 2\5
هل سياخدون بتاريخ توقيع العقد ام الترشيح بالنت والمقابله وتاريخ الكشف الطبي
التقديم والمقابله والترشيح النهائي جميعها قبل الاوامر الملكيه الا تاريخ المباشره
هل ممكن نترسم او لا
تكفون ردوا علينا
مافي احد عنده خبر ولااعطانا اي معلومه صار لنا خمس اشهر نسال ولا لقينا اي معلومات

 

[مخفي]

توجهي فورا للقسم النسائي في وزارة الخدمة المدنية في حي النموذجية

وبيعطونك الخبر الاكيد بدون توقعات أواحتمالات

 

[مخفي]

للاسف انا من الجنوب ونتصل ع كل ارقام الوكالة شؤن الموظفين مشغوله