معركة التحية خلاف بين الضباط والافراد

[admin]

كيف حالكم وان شاء الله انها تنوب


اليوم في سالفه بنسولف فيها مع بعض وناخذ رايكم
الموضوع عن التحية العسكريه
طبعاً التحية العسكريه حق وواجب تعطى للرتبه الملكيه التي يرتديها الظابط
هنا لاجاك الظابط في اللبس الرسمي الكامل تعطيه التحية
هذي ما فيها مشكله ولا عليها خلاف
السالفه هنا لاجاك الظابط بثوبه ويقول انت تعرفني اني ظابط وين التحيه وإلا عندك بطاقتي تعرف بي وين التحية
هنا الكلام
هو يستحق والا ما يستحق التحية
وش رايكم
يجيك الظابط وين التحيه وليه وانت فيك ما يخطيك
ويجيك الفرد يقول التحية للرتبه وانت من رسمي
وهذي موقع جدل وخلاف
وش تقولون

 

[admin]

حياك اخى كرباج

وراح نخلط بين الثنيتن ونقول صبحت ومسيت بالخير ان شاءالله

بالنسبه الى الشخص هذا الى يقول انت تعرفنى ومن هالقبيل نظاماً ليس له عليك حجه

ولكن حقداً فالحجج واجد وفى اغلب الاحيان يكون نظام وعقوبه صاحب الحقد أكبر وأشرس من جميع العقوبات الصادره فى الانظمه

وهنا يأتي دور كل شخص بتجنب أو بالمجابهه وتبقى الحريه

لاانسى بأن هناك البعض قد يكون فرد يعلوك رتبه أو اقل أو ضابط يستحق التحيه أمام نظر الجميع سواء كان مدني أو عسكري
وسلمت

 

[admin]

التحيه للرتبه الملكيه وليست للشخص

لكن وانا اخوك خلك مصري منت خسران شئ
بالعكس تصبح في نضره اكوس واحد حتى لوانك اكبر مبزوط

رفعت يد في هالهواء حتى لوجاك ماهو لابس شى ....
وتأخذ اللي تبي بعضهم يموت في التحيه

 

[admin]

حياك اخى كرباج

وراح نخلط بين الثنيتن ونقول صبحت ومسيت بالخير ان شاءالله

بالنسبه الى الشخص هذا الى يقول انت تعرفنى ومن هالقبيل نظاماً ليس له عليك حجه

ولكن حقداً فالحجج واجد وفى اغلب الاحيان يكون نظام وعقوبه صاحب الحقد أكبر وأشرس من جميع العقوبات الصادره فى الانظمه

وهنا يأتي دور كل شخص بتجنب أو بالمجابهه وتبقى الحريه

لاانسى بأن هناك البعض قد يكون فرد يعلوك رتبه أو اقل أو ضابط يستحق التحيه أمام نظر الجميع سواء كان مدني أو عسكري
وسلمت

الله يخليك وانا اقول نفس الكلام ولكن حصل نقاش اليوم مع بعض الظباط والافراد
وانا مشكلتي ما اعرف اسكت لو الكلام موبيمي لكن لا شفت واحدن انحشر احب افزع!!!
تدخلت وقلت التحية للرتبه الملكيه فقط
فقالوا خلوا الربع تعالوا نشوف هذا اللي ناقز يفتي
انت وش عرفك حتى تطمر تفتي
قلت هذا النظام يقول التحيه للرتبه الملكيه اللي يلبسها الظابط
قال طيب اعطيك بطاقتي فيها صورتي بالبدله
فلت غن كانت على الصورة صورة الملك عبدالله وين ما تروح ما قد جق لها واحد تحيه
تبغى الناس تدق لصورتك
وتفرقنا على هالسالفه

 

[admin]

أخبر واحدن كان هنا
عضو (اللهم صلي على محمد)
كان له تعقيب على موضوعي وشلتوه الله يهديكم!!!
يقول كم عمري
زي اللي يقول سوالفك بايخه احس انك بزر
هههههههههههههههه
بس الله يسعدك عمري آخر مره حسبت 30
بس ترا الحساب مبطي
بس هذا آخر مرة حسبت
ولا حسبت مرتن ثانيه بقول لك ولا يهمك

 

[admin]

المدني الوحيد الذي يستحق التحية العسكرية هو صاحب السمو الملكي .. وغير ذلك لا يستحق التحية إلا بالبدلة العسكرية .

 

[admin]

التحيه للرتبه وليست للضابط نفسه ...اذا قال بوريك صورتي بالبدله بطلع له صورة الملك عبدالله واقول له اصرف تحيه ياعسكري

 

[admin]

تبقا التحية حسب ماتعلمني في الواجبات
وتلغا على الظباط لانهم تركو العمل ونشغلو في التحية العسكرية
ضرب مثال ظابط عمره 25 سنة ورئيس رقباء عمره47 سنة ويقول الظابط تعلمني العمل وانا ظابط المصيبة دوبه متخرج اول شئ من الناحية الشرعية

 

[admin]

النظام العسكري الداخلي يقول

يعطى الضابط القائد التحية العسكرية وهو باللباس المدني أذا كنت تعرفة شخصياً


يعني الله لايهنك حتى في السوبر ماركت تدق التحية حسب النظام

لقائد السرية قائد الكتيبة قائد اللواء قائد المنطقة

أو قائد وحدتك مهما اختلفت المسميات

 

[admin]

مساء الخير

يا اخوان التحية العسكرية تعطى للضابط القائد اللي يحل ويربط ومؤثر في الوحدة فقط مهما كانت رتبته واللي ما يحل ويربط والله لو هو برتبة عميد في الوحدة ما تصرف له من قبل أي فرد وهذا عايشناه طوال خدمتنا العسكرية وفي معظم الوحدات.

أوكد مرة ثانية الضابط المؤثر في العمل واللي ما عنده سالفه ما احد يصرف له تحية واذا بغاها بالنظام بيجيبها بس وش هو بعده بعد شكاوى ومحاضر وهات العسكري ود العسكري وتحقيق وتعب وتحصله معروف اذا حاسب عسكري ندري انه عشان تحية حتى القادة ملوا منه.



وللمعلومية في أفراد برتبة رقيب ورقيب أول ورئيس رقباء تصرف التحية اكثر من الضباط من قبل اخوياهم لانهم ينفعونهم ويضبطون وضعهم ويجي منهم وتجدهم قادة ما شاء الله عليهم يستخدمون مبدأ الثواب والعقاب.


والسلام