مرتبة شهادة الماجستير

[مخفي]

السلام عليكم ورحمة الله وبركاته
انا موظف حكومي على المرتبة السادسة وبعد تعييني بسنتين ذهبت مرافق مع زوجتي(اجازة مرافقة) وحصلت على درجة الماجستير وتم معادلتها من وزارة التعليم العالي وتم تسجيلها في وزارة الخدمة المدنية.وعندما طلبت من مرجعي تحسين وضعي الوظيفي رفضوا لاني لم احصل على موافقة باكمال دراستي وطلبوا مني اسابق على الوظائف الخارجية.
تم اعلان عن وظائف خارجيةعلى المرتبة الثامنة بدون خبرة والتاسعة +خبرة 3 سنوات وقمت بالتقديم عليهم على المرتبة التاسعة حيث يوجد لدي خبرة بعد الماجستير 3 سنوات.
السؤال هو:
عند مراجعة ديوان الخدمة افاد ديوان الخدمة بان الموظف يسابق بالمؤهل فقط وليس بالخبرة حيث الخبرة المطلوبة في الاعلان هي للقطاع الخاص او الموظفين المستقيلين من اعمالهم بعد حصولهم على الماجستير ويجب ان اقدم على الثامنة فقط؟
هل هذا الكلام صحيح لاني شاك في كلام الموظف آسف على الاطالة وشكرا

 

[مخفي]

هلا اخوي .. اللي اعرفه انا درجة الماجستير تعادل المرتبه الثامنه وهذى الكلام من شؤون الموظفين بالقطاع الحكومي اللي انا اعمل فيه
اما بالنسبه للشهاده اذا تمت موافقتها من التربيه والتعليم فهي صحيحه
وكان بالافضل انك تاخذ اذن بتكملة الماجستير من عملك
لأن هذى اللي يصير في اي قطاع حكومي
اما بالنسبه لكلام ديوان الخدمه فحسب الوضع اللي مريت انا فيه فهو صحيح تماماَ
تتم المسابقه بالمؤهل وليست عدد السنوات ويأتي التعين على حسب الشاغر الموجود لديهم بالمرتبه المتاحه لك
بالتوفيق

 

[مخفي]

هلا اخوي ابو نوف
اشكرك على الرد ولكن انا معاي خبرة بعد الماجستير 3 سنوات ماهو المانع بان لا اقدم على المرتبة التاسعة لك تحياتي

 

[مخفي]

السلام عليكم لو سمحتوا انا عندي استفسار انا موظفة وطالبة ماجستير هل اذا انتهيت من ماجستير اقدر ارفع شهادتي للخدمة وكيف اخذ اذن بالموافقة جهة العمل على ماجستيري ياليت تفيدوني هل فعلا الماجستير مايضيف شي للموظف

شكرا واعتذر على الاطالة

 

[مخفي]

يضيف ليه ما يضيف .. انا خذت الماجستير وكانت ترقيتي قريبه على المرتبه الثامنه واعطتني نقاط إضافيه ولو كنت على المرتبه السادسه مثلا وقدمت على الديوان بالماجستير استحق الثامنه لكن يبي لها وقت من سنه الى سنتين
بالنسبه لعملك تقدر ترفعها لهم وتطلب اعتمادها وهم يرسلونها عن طريق شؤون الموظفين لوزارة الخدمة ويسجلونها لك
والله يوفق الجميع

 

[مخفي]

طيب اخ فتى الوسطى انا ادرس ماجستير وانا كنت مرشحة لوظيفة اكاديمة لكن حطوني بوظيفة ادارية ولما عرفوا شؤون الموظفين اني طالبة ماستر سوولي سالفة شلون انقبلتي ولا راح يحتسب لك و و و عشان يقولون انك تدرسين في ساعات العمل يعني كيف هبل الموضوع اللي يدرس مثلا ساعتين في اسبوع ويبي ينصرف من عمله من الساعة 11 هل اذا خلض شهادته ع خير تحتسبله ام لا

 

[مخفي]

مرحبا .. ياغالي التقدم على المرتبه التاسعه لا يأتي الا بعد ان تمضي في المرتبه الثامنه اقل شيء 6 شهور ثم بعد تطلب تحسين وضيفي .. وترفع اوراقك من مديرك مباشرك الى شؤون الموظفين الى الخدمه المدنيه

 

[مخفي]

وعليكم السلام,, الرجاء الافاده بجهة العمل؟ هل هي حكوميه او خاصه؟
اذا كانت حكوميه ,, تقوم برفعها بعد موافقة مديرك المباشر الى شؤون الموظفين .. لأفادتهم برغبتك بتكميل الدراسه .. بحيث انك لو جبت الشهاده ان شاء الله تضع في ملك . ولا يجحدونك بدراستك

 

[مخفي]

اخ ابو نواف شكرا لتفاعلك كلامك راحة خوفني انا خلت اول سنة لي في ماستر ومن م عينوني في الجامعة بمسمى باح علمي مهام مترجم

والان اخاف لو خلصت ماستر مااقدر اصير واحول لعمل اكاديمي او على الاقل ارفع من مرتبة

ياليت تفيدني شلون ارفعها اقد هم اساسا رافضين اكمل السنة اللي باقيتلي بحكم انه دوامي في ماستر يبدا الساعة 12 ونص

ارجو منك افادتي لانه حقا انا لاافقه شيئا في هالموضوع وشؤون الموظفين مايعطوني غير شحنات سلبية

 

[مخفي]

هم قالولي مدرس لغة ونا ارتحت قلتت بيخلوني ادرس ماجستير لكن لما وديت كشف طبي انصدمت اني باحث علمي
ولما قلتلهم انا طالبة ماجستير باقيلي سنة قاموا كل وحدة تتفلسف من راسها واقسم بالله ماحد يدري بشي في شؤون الموظفين جامعة نورة ||||||||||||||||||||| يااخواني افيدوني دوامي بيبدا بشوال انا اش اسوي اقول لدكتورة دوامي بيبدا من 12 ونص يعني استأذن يومين بالاسبوع فقط مااعرف بترضى ولا لا والله اني على اعصابي ولا فاتحتها بالموضوع ناس من شؤون الموظفين قالولي ممنوع الاستئذان طب يعني اش اسوي يقولون لي خذي استثنائي طب لو خذيت استثنائي كيف الخدمة المدنية بتقبل بشهادتي كيف راح ترقيني الشهادة في حال انه ماخالفني الحظ القى وظيفة اكاديمية .................ز ياهل الخير ارشدوني الله يكتبلكم الاجر بشهره الكريم انا مالي غير الله ثم ارشاداتكم .....اسفة على الاطالة