عسكري رقيب اول جتني وظيفة على السادسة وش الشور

[مخفي]

انا الموظف المدني الوحيد وسط مجتمع عسكري .

اشوف لكل جهه مزايا وعيوب وصحيح المدنيه اريح لانها دوام ثابت وبثوبك ولكن والله نطقطق الدوام كامل وعندنا شغل وضغط عمل والبصمه تحسب علينا حتى الدقيقه واخرتها طفاس اخر الشهر 6200 ريال اخر الشهر لو خذيت سياره اقساط ما بقى لي الا حدود ال 4000 بينما العسكريه لها متاعبها ولكن ما فيه احد ينكر الرخص الكثيره اللي يقدر ياخذها العسكري

العسكرية على حسب قطاعك اللي فيه ( البدلات اللي تاخذها + الراحه + الترقيات )
المدنيه على حسب قطاعها ( وزارات عندها مزايا ماديه وبعضها على السلم العام )

وفي الاخير ترى رتبتك جيده يعني رقيب اول عند الافراد تعتبر ممتازه وخمسة الالاف تطيح من راتبك والله ماهي بسيطه .

انسى الوظيفة الحاليه انت اللآن مرتاح ومتأقلم مع وظيفتك اذن كمل واتكل على الله

 

[مخفي]

اولا رتبتك وراتبك مره حلوة واتوقع توصل ضابط وانت ماتقاعدت بس على حسب مودك
انت تبي الراحه ------- المدنية
اذا تبي الراتب -------- العسكرية ( بس على رأس العمل )

انا كنت عسكري وراتبي 10300 ريال
وجتني السادسة وعلى طوووول رحت للمدنية بدون مقدمات وراتبي 7052 ريال
والحمد لله مع البدل وصل 8500 ريال
قسم بالله ماعرفت الراحه الا الحين العسكرية متعبه وضبط و ربط
العمر 31
الخدمة بالمدنية اقل من سنتين
ومع ضم الخدمه مره ممتازة

 

[مخفي]

صلي الاستخارة
وقلب المؤمن دليله وانت ادرى بنفسك فلا نعلم عن وضعك المادي
من يقل بان المدنية راحة والعسكرية تعب مخطئ
ومن يبحث عن الراحة والمادة فقط لن ينجح بأي مجال يسلكه
العمل والاخلاص في العمل بأي مكان وأي زمان مطلب للنجاج والتفوق
أنا عن نفسي افضل المدنية اذا كنت مقتدر مادياً
أسال الله يوفقك دنيا وأخرة

 

[مخفي]

والله بنسبه لي انا ان جاتني بالمرتبه السادسه حتى وان كان في قطاع عسكري باخذها ،،

وللمعلوميه انت بتدخل في المرتبه السادسه صحيح ان راتبها اقل من راتبك الحالي بكثير جدآ


ولكن انت عندك راتب الاساسي اللي هو الاساس في العمل العسكري راتبه الاساسي اقل من المدني ،،

اللي نفع العسكري هي البدلات لكن ماهي دايمه ،،

والشي الثاني وانا اخوك بقي على تقاعدك بالرتبه اللي انت فيها 21 سنه وتحال لتقاعد وان مشيت لك ترقيه واحده ،،

اللي هي ريس ،، وبيزيد على مدة تقاعدك سنتين يعني 23 سنه ،،

بتتقاعد ان جاك تقاعد لايزيد عن سسبعة الاف ريال خلنا نكبرها ونقول ثمانيه ،،

خلنا نقول ثمانيه وخمس ميه ،،

لكن انت الان بتتحول مدني لاتاخذ تقاعدك من العسكريه ولا تاخذ حقوقك اتركها ضمها مع رتبتك المدنيه تحسب لك خدمه في الدوله ،،

رح للمدنيه الرتبه السادسه تراء سهل الترقيه للمرتبه السابعه وبتمشي الترقيات بقي على تقاعدك مدني 25 سنه ضيفها مع خدمتك عسكري

وبتتقاعد اقل شي وانت بالمرتبه الثامنه مهو معقوله بتجلس في السادسه 25 سنه ،،

لكن معقوله في العسكريه

بتحسب خدمتك في العسكريه وخدمتك في المدنيه بتضم لبعض وتحسب في تقاعدك تستلم راتب تقاعدك كامل بمعنى على سبيل المثال

خدمتك عسكري 20 سنه مثلآ وخدمتك مدني 25 سنه ،،

يصير خدمتك في الدوله 45 سنه والمطلوب منك مدني خدمه 40 سنه

بتستلم راتبك كامل بدون نقص ريال واحد ،،

طبعآ مدني مطلوب منك تخدم 40 سنه مازاد مهو محسوب لك الا حقوق في التقاعد مهو محسوب لك راتب تقاعدي

والعسكري نفس الحال 35 سنه مازاد مايحسبلك في التقاعد

فالعلم انك تروح مدني ولا تاخذ نهاية خدمه اطلب ضمها للتقاعد مع الوظيفه الجديده

لنك ان خذيت نهاية خدمه بيصير بداية عملك مدني وكانك موظف جديد في الدوله مالك خدمه سابقه باي قطاع في قطاعات الدوله لامدني ولا عسكري يعني كانك خدمة 25 سنه فقط خدمتك السابقه في العسكريه اخذت حقها

 

[مخفي]

بسم الله والصلاة والسلام على رسول الله

اشكر الي ردوا على الموضوع وشاكر لكم ابداء رايكم ونصحكم

يا اخوان بالنسبة للراتب انا اتفق معكم ان المبلغ كبير الي بيروح فوق 5000

بس ياشباب انا دخلت العسكرية بالجامعة وكان فية فروقات كبيرة في المزايا بين الضباط الجامعيين والضباط

الافراد اقلها الرتبة وعلاوة بدل شهادة جامعية للاسف الافراد مايستلمون والضباط ياخذون 15 %

الشي الثاني انا خذيت العسكرية فترة انتظار للوظيفة والحمدالله جت بعد عشر سنوات

الشي الثالث انا الحمدالله وفرت كل اجازاتي تحسبا لهذا اليوم

الشي الرابع دخلنا العسكرية واعمارنا كبيرة يعني تقاعدي بعد كل الخدمة مايوصل 8000

بينما انا حسبت المدني ربما اصل للراتب 14 الف تقاعد كاقل شي

الشي الخامس انا ولله الحمد خلصت كل ديوني بالفترة الي كنت فيها عسكري وعلى فكرة ترا تقاعد

العسكري 52 يعني باقي بالخدمة لي يمكن 16 سنة اما بالمدنية اكثر من 25 وهذا فرق كبير

وانا سمعت ان بالمدنية في شي اسمه خارج دوام يمكن يقلص الفرق في المبلغ الي راح يروح وهذا عزائي

 

[مخفي]

اخي الكريم

قصتي مثلك تماام بس فرق في الوظيفة ..

انا كنت على (شركة شبة حكومية ) لا وبعد ( مدير ومسؤل في دائرة قويه )

كان راتبي صافي 13655 ريال وجتني وظيفة حكومية طبعا المرتبة 8 بيكون الصافي 7989 والحين الحمدلله مع العلاوة بيصير 8367

شوف كم نزل من الراتب ؟ و ايضا وظيفتي السابقه عند اهلي الوظيفة الجديدة بالرياض يعني فيها ايجار + قرض بس يااارب لك الحمد في خاارج دوام عارف كم صار راتبي بعد خارج الدوام اعلا من الى كنت اخذه بالشركة ولله الحمد و المنة نعمت كريم ..

وبالنسبة للعمل اللهم لك الحمد و الفضل رااااااااااااااااااااااااااااااااااااااااااااااحة الله لا يغيري علي ..

طبعا لو تبغى الصدق استشرت اهلي و المسؤولين الكبار بعملي بالشركة وقالو لا تفوت الحكومي مستقلا راح ترتاح .. والله انهم صدقو ..


والله يكتبلك الى فيه الخير و الصلاح

تحياتي لك

 

[مخفي]

روح ولا تشاور


25 سنة وتتقاعد على المرتبة 11 أو 12 الراتب أقل شي التقاعدي 17 الف ريال روح

 

[مخفي]

حياك الله بالنسبه للسادسه افضل لك لاكن بعد هذي الامور
اولا- اذا ماعليك اقساط السادسه افضل
ثانيا-حسب مكان الوظيفي هل انت لك ملك في نفس المدينه ام انك مستاجر ام في مدينه اجاراتها مولعه ولا معقوله
ثالثا-حسب راحتك ووضعك المستقبلي في العسكريه وعلاقاتك الوظيفيه.
رابعا-الله يوفقك

 

[مخفي]

انا ارى ان تاخذ المرتبه
وباذن الله تحسب لك الخدمه
ونسال الله لك التوفيق

 

[مخفي]

احب اعطيك قصة حصلت لي شخصياً
انا استقلت من العسكرية برتبة وكيل رقيب عام 1412 هـ براتب 4500 ريال وبعد سنة تعينت مدني بالمرتبة الخامسة براتب 3190 ريال .
وحالياً انا بالمرتبة التاسعة براتب 14800 تقريباً واذا احيانا الله استحق القاعد بعد 12 سنه وزملائي في العسكرية تقاعدوا براتب 8000 ريال تقريباً والبعض اقل .

وانت فكر واختار ما يناسبك وبالتوفيق