طريقة رفع محضر غياب عسكري

[admin]

عزيزي السائل

الغياب وشغلات الغياب من اختصاص الاداريين
ومن فهمي لسؤالك ان الموضوع تأخير عن واجب
والتاخير عن الواجب يستوجب منك عمل محظر تاخير عن واجب
تبين فيه بياناته العسكريه ووقت واجبه اللي تاخر عنه
وتوقع على المحظر انت واللي مستلم معك
ووقت تسليمك تعطيه المسؤول
اما بالنسبه لزميله اللي مطبق فاعتقد انه بياخذ حقه يعني بيتعدى عن واجبه الجاي لانه طبق باستلامه

وسبحان الله يمكن الرجال معذور فألتمس له العذر والدنيا بخير وانا خوك

تقبل تحياتي

 

[admin]

لا تظلم ولا تاخذها في ذمتك انت تعرفني علشان تحكم حسبي الله ونعم الوكيل في هذا الشهر الفضيل


تكتب في اعلى الورورقة (ضبط محضر)

بعدين تكتب
الاسم والرتبة والرقم والوحدة
فلان .... .... ........

تم ضبط محضرالغياب في العريف فلان بن علان وذلك لغيابة عن استلام او دوام يوم ...الموافق ..... علماً المذكور (هل باشر ام لم يباشر)

في الاخير تكتب اسمك ورتبتك وتوقع

اذا كان خطاب

المكرم / قائد.............................................. ..................المحرم

السلام عليكم ورحمة الله وبركاتة
نفيدكم ان الفرد الموضح اسمة ورتبة اعلاة تغيب عن استلام اودوام (او متغيب عن الدوام من يوم) الموافق كذا وكذا وباشر او لم يباشر حنى تاريخ الخطاب.

المطلوب اطلاعكم واتخاذ ما ترونة مناسباً

اسمك ورتبتك وتوقيعك ​

جزاك الله خيرا على الرد وحسن الاسلوب

 

[admin]

من وجهة نظري المتواضعه

الادراة فن وإدارة الرجال تحتاج لعقليه ناضجه
ليس كل من يغيب او يتاخر يتجازا القائد الناجح يعرف افراده وكيف يؤثر عليهم
بعضهم اذا حسمت عليه انضبط وبعضهم تكفيه نظره وبعضهم اذا وقفته انهبل
كان عندنا رقيب يغيب ويتاخر وعجزوا فيه لاينفع فيه لاحسم ولا توقيف وله كلمه مشهوره دايم يقولها ايام الاسبوع لكم وخميس وجمعه لي طبعاً هو عزوبي
المهم جانا نقيب ديمو قراطي وفاهم قال حطوه عندي وراح اخليها احسن واحد قالوا عجزنا فيه كل شي سويناه معه ماينفع
المهم استلمه النقيب اول يوم قال له روح يومين رخصه بدون اي مناسبه طبعاً خوينا ماصدق راح
جاء ثالث يوم مثل الألف وبعد اسبوع عطاه يومين وعلى هالحال لين انضبط وصار احسن واحد المهم قلنا له وش غيرك العقيد بكبره ماقدر عليك تدرون وش قال (( قال ذبحني النقيب بطيبه ماحد قدر على غيره عرف كيف يوقفني عن الغياب والتاخير ماعطاني فرصه اغيب )) واللحين صار ميه ميه ومضرب مثل بعد ماكان مثل للغياب والتاخير
طبعاً هالاجراء ماينطبق على كل واحد بعضهم مايستحي يحسبه ضعف وهو بالعكس فن وهذا النقيب مع الكل يتعامل بطريقه احترافيه في الاداره مثلاً يجيك وانت جالس بالمكتب وقدام الافراد يقول يافلان انت تعبت كثير معنا هالاسبوع ريح لك يومين الله يعطيك العافيه ولا يجي لواحد لحاله يقوله وش فيك تهوجس يابو الشباب روح ريح لك يومين وبطريقته هذي ملك قلوب الكل لان اسلوبه راقي يعني مايخليك تقدم رخصه تجي منه هو وصراحه على الكل بس ياخساره راح من عندنا الطيب مايجلس فقد كان فارض احترامه على الكل ودمتم بخير

 

[admin]

واذا اكتشفت انه مسافر وش رايك والمشكله ماعندة ضغط عمل لان عمله يستلم ست ساعات ويريح يومين ونص وانا مااطلب غير يحضر واجبه حتى اني ارفع له انه موجود الصباح عند رفع كشوفات الحضور واقول لاتحضر الا في وقت واجبك

 

[admin]

ذرا

هل لدينا من يجيد فن الإدارة واحتواء العسكري . حتى يستطيع حب عمله

واستغرب عن مسئول عن افراد لايعرف كيف يعد محضر غياب او تأخر

عموما

قاتل الله العسكريه وعيشة التكارنةه

 

[admin]

الله المستعان على ما يصفون اذا كان همكم محضر الغياب فكان الهدف من الموضوع الاستشاره ولو على النموذج فباستطاعتي اخذه من الاداره لان هناك اوراق رسميه لذالك وكلامكم لا يقدم ولا يؤخر لان الموضوع خرج عن انه مجرد استفسار الى ان صار اتهامات في في امور ليس لها علاقه بالاخلاق الاسلاميه والعسكريه فهناك من يصف بان هناك عداوه شخصيه والي يقول لا تستحق الاداره وهناك من يقول قاطع رزق ووصلت الى التكارنه
ولوكنت لا استحق الاداره لما كلفت بها

 

[admin]

يا ناس بعض العسكر ما ينفعمعه التلطف وحسن المعامله
ان انت اكرمت الكريم ملكته وان انت اكرمت الئيم تمردى
يا اخوان وش ذنب العسكر المنتظم يطبق ولا انت ترضى انه يطبق عليك يوم ولا يومين وانت في الخفاره او في الاستلام انا مجربها والله تقفل معك وانت مطبق ساعتين مابالك وانت مطبق يوم كامل وعلما الاستلام اهون لنك يمكن تقدر تسلي نفسك مع المناوبين بينما الخفاره مكانك ولا تفوته واذا نمت ليتك ما جيت للخفاره انتظر التوقيف للداوم العسكر بعد الاجازه اذاكر موقف ما انساه عام 22 عندما قام الجندي (ع .س.العطوي)بالتطبيق في الخفاره ثمان ساعات مع الواجب ساعتين والله انا من الناس اللي قالوا لو تأخر ما جاه اللي جاه 10 ايام توقيف وعشرة ايام حسم ليش لانه منتظم ويبغى يترقى خايف من القرارات والحسم معها (نظام يا ويلك يا الضعيف)

 

[admin]

لسالفه طلعت عليك أكثر من بيعت السوق
لكن ابشر بأفزع معك

الموضوع وما فيه انسان ما قدرك ولا احترمك كخوي
منت ملزوم تحترمه
وإنسان مو حريص على نفسه منت ملزوم تحرص عليه
إي لو قال لك يافلان ابيك تفزع معي عندي ضرف كذا وكذا
أي نعم والله لو قمت محله ما هناك مشكله
لكن اللي شطفك اشطف مندوبه
وما عليك كلنا نهايط في سعه
والله لو واحدن ما عبرني حرام مااعبره
ياخوي التلفون يخدم
التلفون يخدم
دق
سو فضلاً اتصل بي
والعريف بيدق عليك والا الرقيب
وياخوي إن كان بظرف أو شي من هالكلام
لو يكلم او يوصي واحدن من زملاه مامن عذر هالايام
لكن اسمع الكلام
يقول المثل
اللي حطك عند راس الحمار حطه عند ذنب الحمار
وسلامتكم

 

[admin]

ماقصرت على الرد هذا المقصد ان الي تقدره على باله ماعندك شخصيه وخواف ولو دق او رد وشرح ضرفه والله لو انا اغطي مكانه ما يهمني لانه قدرني او طلب احد زملاه يتوكل عنه لكن طنش الخفارة وطلع مسافر ولا همه احد والله ان لو احد منكم مكاني انه راح يتصرف مثلي او اكثر

 

[admin]

ولا عليك من أحد انسان يمكن مسوي له جريه وإلا مصيبه
والا ممسوك في قسم
والاماتدري ذابح والامذبوح
وانت تحطه على راس العمل شوي يجي خطاب انه في يوم كذا وكذا طعن له آدمي والا انمسك في نقطه معه حبه بخاري مع الرز
لالالالالالالالالالالالا

ياخوي الجمايل نعرفها ولها وقتها
لو كان جاك وقال تكفى ياخويي
وما فزعت معه سود الله وجهك
لكن يغيب من راسه لاعلم ولا خبر خله
سقه ماعليك وماجاك عندي


يقول بن جدلان من قصيدته

بطلت من صدقان عطلة الاسابيع *وبطلت من ضحك الوجيه الصناعي
ومن نفعة اللي ما طلبني منافيع* جميلتن في غير اهلها ضياعي


والبارح كل اللي يقولون ليه ما ليه
كلهم ممسكه معهم على الطيب
ما عليك يجونك شوي قالبين 180 درجه
ههههههههههههههه