انا عسكري جديد ... توني متخرج وجاني التعيين

[مخفي]

غيرك يدور ريحة العسكريه دواره مو لاقي

احمد ربك وهذا نصيبك اقبل فيه

وغيرك عاشوا عشرين سسنه

صعبه بالبدايه بس راح تتعود شوي شوي وهذا رزقك قول الحمدلله


والله يهديك ويوفقك بحياتك ويسسهل امورك

 

[مخفي]

العسكريه تحتاج رجل صبور يتحمل البعد والسهر والتعب ... خذها نصيحه لا تكون نظرتك قريبه مع الايام راح تتعدل وراح تنقل من الخفجي بس شويه صبر ... واحمد الله غير يتمنى مثل هذه الوظيفه والمنشات قطاع فيه مميزات جيده .. انا سجلت جندي والان ولله الحمد رقيب وراتب فوق العشره ... وكنت اقول مثلك تورطت بس صبرت ونلت ولله الحمد

 

[مخفي]

حالتك زي حالتي فصلت من وظيفه مدنيه وراتبي4000 ليه فصلت بهذله وكرف يطلعون الراتب من عيونك جلست احاول اسجل عسكري قسم بالله 4سنين وكل مره يجي فرز ولا يجي اسمي ارزاق وش نقول اخيرآ اقتنعت بان رزقي الله اللي يكتبه لي لو مهما اسوي فجائه جاني اتصال بانني قبلت طرت من الفرحه دخلت العسكريه تعبت بالبدايه نفسيآ لين عرفت المداخل والمخارج وصرت احرص على ملفي عينوني بالشرقيه جلست عزابي جمعت الريال فوق الريال وهي فرصه سنتين رفعت طلب نقل جاني لحسن السيره والسلوك وغير محفر كم سنه ما نقلوه
رجعت الرياض وتزوجت بقليل من الدين ولله الحمد مبسووووووط جدآ الله لا يغير علي وياربي لك الحمد والشكر اول ما تعيتنت كان راتبي حول الخمسه ونص واللحين قريب العشره
هذي فرصه لك وانا امسك وظيفتك والسفر ما وراه الا ضياع الدين والمال والنفس اجمع راتبك وبعدين انت باحسن وافضل القطاعات احمد ربك وخلك حسن سيره وسلوك والله يرزقك وتوكل على الله وصدقني لو تحط ربك بين عيونك بكل شي تسويه الله ما يخيب ظنك ويرزقك واوصيك ونفسي والاخوان بالاستغفار يفتح لك ابواب الله العليم بها
تقبل مروري

 

[مخفي]

اول شيء ابارك لك

ثانيا كل شي في البدايه صعب شوي ثم بعد ذلك الانسان يتأقلم

ثالثا ابتعد عن الرفقه السيئه وابحث عن الرجال القديمين في العمل واحتك بهم خصوصا من رتبة رقيب فأعلى
رابعا احرص كل الحرص على الدورات ولا تفرط بها ابدا وطور من نفسك
خامسا اذا كنت تستطيع اكمال تعليمك فهو الافضل لمستقبلك

وفقك الله

 

[مخفي]

نصيحه

لاتترك عملك

ونصيحة

لا تلعن مصدر رزقك حتى لاتمحق البركة من راتبك نصيحة

 

[مخفي]

قل الحمدلله على كل شي غيرك ما حصلها
اصبر وشوف
ربك يسرها و يسهلها لا تستجعل
والله تندم عليها اذا خليتها
وبالنسبة للسكن القطاع ما فيه سكن
ونتمنى لك التوفيق و السداد
دمت بحمى الرحمن

 

[مخفي]

اقول احمد ربك على العافيه .. راتبك فوق السبعه غيرك مو لاقي


كلنا في الشرقيه وبعيدين عن اهالينا وعسكر مثلك والحمدلله ماشيه الامور


الرجل يكون صبور .. والصبر دائم هو مفتاح الفرج

 

[مخفي]

انا كنت في الجبيل قبل سنتين والحمدلله الان عند اهلي قريب
البداية صعبة شوي لكن الصبر والتحمل
كل زملائي في الشرقية زعلو في البداية بعدين رضي هذا رزقك
الله يوفقك

 

[مخفي]

السلام عليكم ورحمة الله وبركاته

أخي العزيز .. راح أوضح لك بعض النقاط

أولاً :: قوات أمن المنشآت من أفضل القطاعات الآن .. سواء بالرواتب أو بالعمل .. وراحة بال

ثانياً :: بما إنك بالسعودية فأنت بين أهلك وأخوانك

ثالثاً :: بالنسبة للنقل .. فالحمدلله بإذن الله تنقل بشكل سريع وماتتطول الآن في مواقع جديدة راح تفتح .. وأمن المنشآت الآن بكل مكان ولله الحمد .. الشرقية بكاملها .. جدة .. الطائف .. ينبع .. رابغ .. المدينة .. تبوك .. الشعيبة .. جازان .. عسير .. بيشة .. خميس مشيط .. أبها .. الرياض طبعا .. والعديد من المواقع , يعني نقلك بإذن الله مضمون

رابعاً :: إذا كنت عزوبي فـ تكلفة الإيجار راح تكون قليلة عليك .. تتعاون أنت وأخوياك وتسكنون بشقة وحدة والإيجار بينكم ... أما إذا كنت متزوج فـ اصبر شهرين على بال ماتعرف وتستكشف المنطقة وتشوف الأسعار وبعدها تستأجر شقة خاصة .. والأسعار مرتفعة بكل مكان .. والله ييسر الأمور ولا تيأس

خامساً :: بما إنك جديد بالمجال العسكر فـ أنصحك بالرفقة الحسنة وابتعد عن أصدقاء السوء واحذر على نفسك دائماً

سادساً وأخيراً :: تمسك بوظيفتك وطور نفسك وبإذن الله راح تلقى كل شي أفضل ماتتصور ومما رسموهـ الناس بخيالك

وأتمنى لك التوفيق والنجاح

 

[مخفي]

ياخي احمد ربك على النعمة

انا الان لي قرابة 4 سنوات بالمنطقة الشرقية وبامن المنشات

بيني وبين اهلي اكثر من 1700 كيلو

لاكن الحمد لله الي رزقني بالوظيفة وان شاء الله ربي يرزقني بالنقل

نصيحتي لك اختار اصحاب صالحين باذن الله هم الي راح يعاونونك ويصبرونك

ولو تتزوج وتسكن هناك يكون احسن بعد

وعساا الله يهديك ويوفقك