اريد قرض من أحد البنوك بمبلغ 150 ألف ريال ابغى نصيحتكم

[admin]

ابتعد عن الراجحي مره
نسبته عاليه بعدين يطلع لك بعد العقد اكثر من مايبلغووك
ارئ اذا ولابد عندك الانماء والبلاد وغيرها كذابين

 

[admin]

شوف وانا اخوك مدام استشرتنا خذ القرض اذا كان في ارض او بيت فهو ان شاء الله ليس بخساره يعني حتى لو تحتاج بعدين بتبيع العقار بس فيه نقطه مهمه شوف كم القسط ونقصه من راتبك الحين قبل لاتاخذ القرض واحسب المتبقي هل يكفي اجار بيتك ومصاريفك واقساطك الاخرى ام لا يعني لاتظيق على نفسك وفي الاخير ترجى فلان وعلان يسلفك وازن امورك شفك كم مصاريفك الشهريه وزد عليها نسبة عشره في الميه لان الاسعار ليست ثابته بقى ان احذرك اخي الكريم ان تاخذ القرض في امور استهلاكيه مالها داعي مثل سفر او تغيير سياره او تغيير اثاث والله يوفقك

 

[admin]

إن كان لابد من هذا القرض ليش ما تفضي نفسك يوم وتلف على البنوك وتشوف النسب حقهم وراح تشوف الفرق بين النسب من بنك لآخر وعاد شوف خراجك وانقل للبنك اقل نسبة بحيث يكون بطريقة شرعية مباحة من المشائخ



والله نسأل التوفيق للجميع

 

[admin]

اىنا اذكر اني خذيت 153000 الف والفايده 15300
والقسط 2823 ثابت طبعاً
بنـــكــ الاهلي

 

[admin]

خذ العلم
انا رحت للراجحي الاسبوع الي فات وحسب لي الحسبة كالتالي:

150000 هذا المبلغ الي تبيه

طيب احسب معي

150000ضرب 2.99 تقسمها على 100 يطلع الناتج 4485 ريال

4485 هذا ربحهم السنوي
تضربها في عدد السنوات ولنفرض 5 سنوات
الناتج يطلع 22425 ريال

هذي نسبة الربح في خمس سنوات

اضف الى ذلك راح يخصمون من حسابك مبلغ 1650 اسمه رسوم ادارية

150000+22425=172425 القيمه الاجماليه
172425تقسمها على 60 وهي عدد الاشهر يطلع لك ناتج القسط الشهريوهو 2873 ريال شهريا

المبلغ الاجمالي رح يكون 172425 +1650 رسوم ادارية =174075ريال


انا رحت لهم الاسبوع الي فات وبعد اخذ ورد طلبت اخلاء طرف تدري ليش؟

قالي اول شي نسبة الفوائد 2.45 بعدين قاله زميله هذا عسكري
قالي اسف العسكر 2.99 والمدنيين 2.45

شوف الفرق ورواتبنا كلنا عندهم مدري ليش العسكري مميز عندهم

طلبت اخلاء طرف واتصلوا علي بعد يومين يترضوني لكنى اصريت على اخلاء الطرف

لاني حسب ما سمعت من كلام الزملاء ان مصرف الانماء ما ياخذ رسوم ادارية ونسبته اقل من الراجحي

هذا العلم وسلامة الجميع

 

[admin]

الله يعطيكم ألف عافيه وييسر امورك جميع
ويرزقكم من واسع فضله ويكفيكم غلبة الدين

الحقيقه نصايح غاليه وثمينه وانا قلت لزميلي العسكري حول راتبك عن الراجحي

وروح لبنك الانماء لكن الرجل مستعجل يبي يشتري الارض ويبني له كم غرفه تضمه هو وعياله

فقلت له عربن الأرض والامور تسهل ان شاء الله

والله ييسر اموركم وامور جميع المسلمين

 

[admin]

نك الراحجي هو أسوء البنوك حالياً في التعامل مع العسكر الأفراد
و يدعي انه البنك الإسلامي الوحيد :ghfyt67:

الراحجي يقيم العميل حسب عمله و رتبته و يخسف بالعسكري بقوه

عندك بنك الرياض يقيم العميل حسب راتبه و ما يفرق بين عسكري و مدني

عندك بنك الإنماء و البلاك تعاملهم حلو و نسبتهم مناسبه و ما يفرقون بين العسكري و المدني

 

[admin]

الله المستعان نصيحة أي أحد ياخذ قرض لا يضيعه في سيارة ولا سفر ولا أثاث يعني لا يضيعه في كماليات .إذا كان أرض ولا زواج مافي مشكلة .الله يكتب لنا ولكم كل إلي فيه الخير .

 

[admin]

اخوي زيك انا سبق وسئلت وكل احد له راي محد اتفق علي شي محدد

 

[admin]

الموجوده بنكين فقط
الاول بنك العربي ياخذ منك نسبه ثابته للقرض الشخصي ١.٩٥
بشرط يكون راتبك فوق ٧٠٠٠ الف يعني مثلا تاخذ منهم ١٦٠ الف الفايده فقط ١٥ الف لخمس سنوات
اما مايخص القرض العقاري ماسلهم
اما البنك الثاني بنك الانماء
تقريبا نفس العربي بس الفايده زياده بالفين ريال طبعن مايخذون رسوم اداريه عكس العربي اللي ياخذ
الانماء قروضهم الشخصيه تنحسب لك ع حسب عدد السنوات اللي راح تقسطه لهم ونسبتهم متغيره
يعني مثلا اخذت منهم ١٠٠ الف الفايده ٦ الف خلال ثلاث سنوات
يعني تقريبا افضل من العربي
قرض العقار بالانماء اعطني ٦٠٠ الف والفايده تقريبا ٢٣٠ الف لمده ١٤ سنه
انا اشوف الانماء افضل
البنوك الثانيه ماعجبتني غير البلاد لاني ماسالت عنه