هل القضيه هذي تمنعني من التوظيف في الامن العام؟

[admin]

السلام عليكم ورحمة الله وبركاته
اشكر القائمين على هذا المنتدى الرائع والله يجعله في موازين حسناتهم
قضيتي باختصار انا قبض علي وانا في حالة سكر ومعي قاروره مسكر من قبل الشرطه
المهم اخذوني للقسم وبصمت بالعشره داخل القسم وبعدين خرجت بكفاله
اتصلو علي القسم بعد 6 شهور وقالو تعال علشان نحولك للمحكمه الجزئيه
رحت للشيخ وحكم علي 100 جلده (80 حد مسكر و20 جلده مدري حقت ايش؟)
تنفذ الجلد والحمد لله انا اللحين تبت من شرب المسكر والله يشهد
سؤالي هلى هذي القضيه تمنعني من القبول في الامن العام؟

افيدوني جزاكم الله خير

 

[admin]

ان شاء الله ماتمنعك من القبول في للامن العام

ولكن تسجل سابقة وطالما مافيه سجن اكثر من 6 اشهر

تسقط بس عليك بالواسطة يمدحونه بقوه

 

[admin]

بارك الله فيك ياخوي..
بس من شروط القبول في الامن العام ان لايكون حكم عليه حد شرعي
وحد المسكر شرعي؟

 

[admin]

اخوي اذا ماسجلت عليك سابقة ماعليك ....
والتبصيم اللي بصمته في القسم مجرد انهم يستفسرون عنك هل عليك سوابق من قبل فقط لاتخاف......
توكل على الله وقدم على الوظيفة ...واسأل الله لك التوفيق ...
((( نصيحة من اخ لك ))) ابتعد عن معصية ربك مهما زين لك الشيطان العمل لا تعصي ربك ابد .........

 

[admin]

من شروط القبول في كافة القطاعات العسكرية ......ان لا يكون قد سبق الحكم عليه بحد شرعي في جريمة مخلة بالشرف..

 

[admin]

اخوي اذا ماسجلت عليك سابقة ماعليك ....
والتبصيم اللي بصمته في القسم مجرد انهم يستفسرون عنك هل عليك سوابق من قبل فقط لاتخاف......
توكل على الله وقدم على الوظيفة ...واسأل الله لك التوفيق ...
((( نصيحة من اخ لك ))) ابتعد عن معصية ربك مهما زين لك الشيطان العمل لا تعصي ربك ابد .........

بيض الله وجهك اخوي البحري
واضح من ردودك انك رجال فاهم النظام

بس حبيت اسالك في واحد يقول انه سجل في الامن العام وجاب صحيفه خلو سوابق من الادله الجنائيه وقبلوه ..وبعد مادخل الدوره ب15 يوم كرشوه مع الباب قالو انت عليك سابقه..يقول انهم طلعوها بالجهاز..مع العلم انه طلع صحيفة خلو سوابق بدون واسطه.وش رايك انت بالكلام هذا؟

 

[admin]

كم لها السابقة الان ؟
يوجد وقت محدد اعتقد ثلاث سنوات وتسقط السابقة تلقائيا برد اعتبار

موفق ان شاء الله

 

[admin]

شكرا على الرد
بس هذي ماتتسجل في سابقه
تتسجل حاله جنائيه

 

[admin]

مرحبا

أخوي تستطيع تقديم طلب رد اعتبار للإمار إذا ماضى على السابق ثلاث سنوات تقريباً

وعموماً أنت سجل وجرب حظك والرزق على الله

 

[admin]

اخي الكريمُ
نعم سجلت لك سابقه بحكمك الشرعي الي اخذته
بانسبه لطلبك صحيفة خلو من السوابق لغرض تقديمك علي وضيفه
احب ابشرك انك تمنح صحيفه خلو من السوابق بقوه النظام ومايحتاج رد اعتبار تمنح في دقايق
ياليت تراسلني افيدك اكثر