نظام الترقيه من رئيس رقباء الى ملازم هل في استثناء لحمله المؤهلات العلميه اقدميه؟

[مخفي]

السلام عليمه ورحمه الله وبركاته

احبتي العسكر في الله ضباط وافراد في جميع القطاعات

تحيه طيبه ابعثها لكم ... ودعوه بظهر الغيب باذن الله بكل من يسال ويجتهد

ويفيدنا بالاجابه...

الموضوع باختصار احتاج اجابه من اكثر من قطاع

للفرد المترقي من رئيس رقباء الى ضابط اذا كان عنده شهادة جامعيه سواء بكالوريس - او ماجستر..
هل يعقل ان يكون جامعي ويعطونه الى رتبه ملازم كترقيه عاديه ؟ وهو عنده خبره بالعمل

بينما المستجد لو كان بكالوريس يعطى ملازم باقدميه سنه واذا ماجستير يعطى ملازم اول باقدميه سنه

وبرغم هذا عند الترقيه يحذفون كل دوراتي على اعتباري نقلت من نظام الى نظام
فبما انه تلغى دوراتي وابدا من جديد من باب اولى تحسب لي شهاداتي في الاقدميه


عموما هالموضوع ليس طارحه للنقاش ولكن ابي خدمه احتاج الاشخاص الذين يعملون
في قسم الترقيات بوزاره الدفاع او الداخليه اوي أي قطاع
اذا مر عليهم حاله شخص جامعي بمؤهل علمي بكالوريس او ماجستر وحصل على ترقيه من رئيس رقباء الى ملازم ولكن برتبه غير رتبه ملازم يعني اخذو بعين الاعتبار شهادته الجامعيه
يعني ملازم باقدميه سنه او ملازم اول باقدمية سنه للماجستير.....

من يعمل في الترقيات فليفيدنا وبارك الله فيكم

وشاكر ومقدر سلفاً

وبكرى احلى للجميع

 

[مخفي]

ما قد حصل هذا الكلام ولا في أي قطاع
عموما تترقى ملازم بدون اقدميه وتحذف جميع دوراتك وشهادتك مالها دخل في الترقية
الله يوفق الجميع

 

[مخفي]

والله كلامك صحيح ,ونتمنى ان يكون هناك لجنة لتصنيف الوضائف

ان شالله نسمع بكره اخبار احلى

 

[مخفي]

بالنسبة للدفاع الجوي الترقيه من رئيس رقباء الى ملازم مغلقه وغير متاحه
منذ الامر القديم من الامير خالد بن سلطان هداه الله ولازال الامر ساري الى الان .

ولو كان المجال مفتوح كان امور الترقيه بخير لكن الان جميع الابواب مغلقه .
والجميع ينتظر مكرمة اخرى لأستحالة وجود شواغر في بعض التخصصات .

 

[مخفي]

معقوله يقفلون ترقيه؟ قويه والله

او معقوله ما مرت انه رئيس رقبا ترقى ملازم وما يستفيد من شهادته من اقدميه؟
يعني بالعكس دوراتي اللي اكتسبتها طول خدمتي تحذف ...
ونفس الوقت تحسب ترقيه عاديه؟ ترقيه عاديه يعني استفيد من دوراتي كجامعي

انا والله ما استبعد كلامكم صحيح لانه بالعقل الماجستير اكيد بترك العمل وبتجه باي مكان اخر

انا كنت اتمنى اجد حاله وحده مرت بكذا وكان في معمله ايجابيه بخصوصه ,,

مازلت اقول من عنده معلومات لا يبخل علينا ...

وشكرا لك من ساهم بالرد ...

 

[مخفي]

هذا هو العلم ترقى زيك زي اي واحد من حملة الثانوية لافرق بينكم
ولايحسب لك اي دورة وانت فرد وتسحب العلاوة الفنية اذا كنت فني يعني ترجع من اول القائمة
تحتاج لدورات للتعديل ومااعتقد تحصل على دوره بسهوله
كلامي هذا اكيد 100%

 

[مخفي]

اخوي شاعر هذا الكلام في قطاعكم

او هو المعمول فيه لانه بالعاده يكون

اللي مترقي من رئيس الى ملازم على وشك تقاعد

او مامعه شهاده انا اللي اعرفه في لجنه ... ظباط مكون من القطاعات

وكنت باعرف هل مرت باحد القطاعات لو حاله وحده وش صار معاهم؟

اسمحلي انت اخوي شاعر باي قطاع ؟ وهل تعمل بالترقيات ولا بس معلومات عامه

لانه في كثير امور تدار لا نعلم عنها ....

امل الافاده من اكثر من قطاع وشاكر لكم

 

[مخفي]

حياك الله يالغالي ... نعم مرت حالات كثيره عليه هناك قبل ترقيه الامر الملكي لكن قبل أتطرق لها لماذا نذهب بعيد دعنا نتحدث عن أمر أوضح قليلا وشائع أكثر من غيره...

أحدهم تعيين برتبه جندي بالثانوي وواصل دراسته والآن يحمل رتبة جندي أول والمؤهل بكالوريوس..
فتحت أغلب القطاعات التوظيف ع مصراعيه هذي الفتره ومنحوا الجامعي رتبة رقيب ...
زميلنا المثال اعلاه لايوجد شاغر للترقيه ... هذا أولا ثانيا النظام لايسمح توظيفك ... على رتبة رقيب والامر والأدهى لوفصل وطلب تسجيل لتم أعادة خدمته برتبته الحاليه . وأن تأخر سنه سوف يعاد جندي ... يحمل بكالوريوس والرتبه أمامه وهو الأحق والأجدر !!!!!!!!!!!!!!!!! عموما ليس هذا محور طلبك ولكن الحالات تتشابهه فذكرت ذلك.

القطاع الحرس الوطني تاريخ الترقيه من رئيس الي ملازم عام ٢٧
العدد تقريبا كان حوالي ٩ جميعهم المؤهلات اما تقنيه أو جامعه.
الترقيه كانت برتبة ملازم صادفت فتره الترقيه وقت تخرج دفعه جديدة من الكليه . برتبه ملازم . تم تخريجهم قبل ترقيه الاشخاص ٩ الاقدميه كانت لخريجي الكليه... توزيع الاقدميه بين المترقين كانت لمن هو أقدم في رتبة رئيس رقباء . .

هناك من هم على رأس العمل بمؤهلات أعلى من الرتب التي يحملوها ....
عريف جامعي وتجد جندي أول ... لست أقول عطوهم رتب ضباط ولكن هم أحق من الخرجين الجدد اللذين يتم تعينهم برتبه رقيب وشكرا

 

[مخفي]

هناك عدة أسئلة بعيده عن محور سؤالك لكن تطرح بين الحين والأخر وهي

لماذا لا تتحول الكليات العسكرية من قبول خريجي الثانوية إلى خريجي الجامعة؟

لماذا هناك تباين في التعيينات بين حاملي الدبلومات والجامعيين؟

لماذا لا يتم ربط التدرج الوظيفي الأفراد بالضباط؟

لماذا هناك أختبار ترقية للأفراد ولا يوجد أختبار ترقية للضباط؟ لماذا لا يلغى الأختبار ويصبح المحك فقط نقاطك في الترقية؟

لماذا لا تكون الترقيات على مدار العام متى ما توفر رقم شاغر إذا ألغيت أختبارات الترقية؟

هذه بعض الأسئلة التي تحتاج إجابة!!!

 

[مخفي]

تساؤلات منطقيه لكن الفرق واضح
الضابط الابواب مفتوحه امامه حتى رتبة مقدم

الفرد يعاني الامرّين لا يستطيع الحصول على ترقيه بالساهل
وكذلك قد يتم تنقله من وحده الى اخرى بسبب ترقيه هذا اذا وجد رقم

او مرحلة التنافس التي تضع الفرد تحت ضغط نفسي وحتى ان ترقى
تجد منافسيه ينظرون اليه بشئ من الحقد والظن انه ترقى بواسطه.

فصل نظام الضباط عن الافراد اول نقاط العنصريه والتمييز الوظيفي
وكأنه منزل من السماء .

بالنسبه لترقية ملازم من رتبة رئيس رقباء لابد ان تحصل على تزكيه وموافقه
من قائد القوات !! هل تتخيل هذا الامر ؟!

طبعآ في الدفاع الجوي هذا الامر مستحيل الا بواسطة ملكيه معتبره .

للاسف الباب مغلق تمامآ في الدفاع الجوي منذ عقد او اكثر