الموظف المدني في القطاع العسكري والمعاناه !

[مخفي]

قدر الله وجت وظيفتي في قطاع عسكري وصار لي ست سنوات ما اعرف شيء اسمه دورات او انتداب او حتى بدلات رغم اننا نعمل تحت سقف واحد ومدراء عسكريين لا يفقهون شيء في انظمة ولوائح الخدمة المدنية:shutup: بل يصل الامر ان يشوفونك مثل الجندي او اقل:yawn: بعد واتحسف لمن اشوف مواضيع تسال عن دورات وزياده الانتدابات اللي اصلاً ما نعرف معناها ياليت الاخوه اللي مثلي مدني في قطاع عسكري نشوف طريقة لايجاد مزايا وحلول وتحسين اوضاعنا اسوه بدول الخليجfftopic: وهذا رابط راح يساوون المدني مع العسكري في البدلات اللي يعمل في السلك العسكري في الكويت كذلك موجودة مزايا المدنيين في دول خليج اخرى

 

[مخفي]

مساء الخير
والله انك صادق بس معاملتهم لك كانك عسكري هذي تفقع المرارة عندي الله يعين
باي قطاع انت؟

 

[مخفي]

انا اشهد انا زي وضعكـ بالضبط لي خمس سنين لاخارج دوام ولاانتدابات ماياكلها الا الضباط والا المدني حالة من حال الافراد اللي معهـ اللي وضعهم احسن من وضعنا بمراحل ~

 

[مخفي]

الله يعينا على العسكري , المشكلة أنا مقدم إجازة 15 يوم وقالو ممنوع الاجازة موقفة الناس مرابطة !
طيب أنا وش دخلني في المرابطين الله يوفقهم وينصرهم بس مالي علاقة, لكن مدني مع عسكر صراحة

قرف

 

[مخفي]

لا تشكي لي ابكي لك 8 سنوات لا دورات لا خارج دوام زيك زي الجندي الشي الوحيد الي يعرفونه احمد ربك ما تلبس بدلة

 

[مخفي]

كلامك عين الصواب .... كأن انت انا ..... صارل ست سنوات وانا اسمع العسكر وهم يعيدون صرفوا شيكات الانتداب والا الدورات ...طبعاً اذا مافيها فلوس فيها اجازة قبل او بعد الدورة
وحنا لك الله مايجي الا الريش احمد الله اني قدرة احصل على دورة بعد ست سنوات لمدة عشرة ايام بمركز المعلومات طبعاً بالواسطه لان المقاعد شحيحه لكل منطقة كرسيين او اقل والعسكري الي مسئول عن الدورات طبعاً محترم لكن حصولي على المقعد كان لاني اخدمه في بعض امور الكمبيوتر لانه غشيم في اكثر الامور
واما انه يشوفك مثل الجندي او اقل صدقت فيها مو بس الضابط حتى الجندي شايف نفسه عليك وياليت يشتغلوا باخلاص مع احترامي لهم
احياناً احس نفسي اقل من المعقبين عندنا احتراماً
ولا عندنا موظف على المرتبة 11 ويرأسه نقيب
يالله متى التساوي

 

[مخفي]

نفس المعاناه لاااااااااااااا وشغل نفس شغل العسكر بالضببببببببببببببببط ولا فيه الا بدل نقل بس والله قهر

 

[مخفي]

من جد الله يكون في عونك لي قريب يعيش نفس وضعك لا وألعن

 

[مخفي]

في اي قطاع تعمل ؟؟

 

[مخفي]

الله يعين وانا مثلكم معناة مع العسكر وغير كذا يصرف لهم 25% بدل ارهاب ومرابطة 950 وبدل خطر ولا تصرف لنا ليش لانك مدني طيب انا في نفس القطاع والعسكر الي معي مثل عملي والله ما عمرهم طلعوا للارهاب والمداهمات يعني زيي زيهم بالضبط من ناحية العمل ولو يجي تعميم بالمرابطة قالوا من تحتاجون من المدنيين ويصرفون خارج دوام حق يوم او يومين والاجازات موقفة في شرطة الرياض بسبب المرابطة طيب اصرفولنا حق مرابط اذا عندنا مرابطة هي لو تصرف للقطاعات الي تكافح الارهاب مثل الطواري مكان لنا حق فيها لاكن تصرف لزملائي بالمكتب الي نفس العمل انا وياهم ما فية شي يفرق ولا يكافحون ارهاب ولا يطلعون ولا شي يا اخوان ياليت احد يشوف لنا صحفي ينزل مطالبة لنا ترى ولاة الامر ما هم مقصرين والله لو بكتب معاناتنا في الامن العام بخصوص اننا مدنيين لاكتب 10 صفحات ولا اخلص ان مرة يقولولي انت موقف اليوم وغيرها لاكن الي يقهر ان المميزات للظباط والافراد وانت مدني مالك شي الي قاهرني بعد بدل الارهاب ليش ما يصرف لنا مع اننا نستحقة اذا استحقوه العسكر الي معي فانا استحقة لاننا عملنا واحد ولا يطلعون ارهاب ولا شي وفي انفجار المرور فية مدني توفى الله يرحمة وفي موظفين اصيبوا من ظمنهم مدير المالية بالمرور طول وهو تعبان وغير كذا المواقف طلعونا منها بسبب الارهاب وصرنا نعاني من المواقف
يا اخوان ياليت احد يشوفلنا صحفي يكتب لنا مطالبة بالجرايد
في واحد بالامن العام اشتكى على ديوان المظالم لاكن لم ينصفة
يا اخوان انا عن نفسي حاولت اني اشوف لي صحفي لاكن ما اعرف احد وكتبت للمجلس الاقتصادي الاعلى ولم يصلني رد وكتبت لصحيفة سبق ولم يصلني رد وكل ما اشوف صورة معالي الفرق في جريدة الرياض اكتبله في الرود ومرة يطلعونها ومرة لا الكتابة في المنتدي ما تجيب فايدة
الفايدة انا نكتب في الجرايد ونطالب وولاة الامر والله ما يقصرون والله ما يقصرون والله ما يقصرون لاكن ما فية طريقة انا نوصل اصواتنا الى اننا نكتب بالجرايد طبعا المسؤولين الي فوقنا ما راح يرفعولنا باي مطالبة لانة يستلم البدلات وامورة ماشية ولا هميناه
الي يعرف احد الصحفيين يكلمة ويشوف وياخذ اجر هالموظفين باذن الله